Hai tempo tiven ganas de mercar un router Linksys WRT54G para cambiarlle o firmware e montar dúas redes wifi ao estilo do Movemento FON de Martin Varsarsky, ainda que sen ánimo de lucro. A idea era ofecer o ancho de banda que me sobra a quen o quixera. Durante moitas horas ao día non utilizamos o ancho de banda que temos contratado e a verdade é que a min non me importa que o usen os meus veciños.
A pasada fin de semán un dos meus cuñados díxome que cando non usa o seu ADSL o deixa aberto aos veciños sen máis que descativar o encriptado da WIFI. E decidínme a facelo. Xa levo unha semán co WIFI aberto, sobre todo as noites que non poño a mula e desde modo comparto o meu acceso a Internet sen mercar un router novo.
E agora pregúntome: ¿qué pasaría se todos os eumeses que temos WIFI fixésemos o mesmo?
Probablemente teriamos un Pontedeume sen fíos no que os turistas e nos mesmos poderiamos conectarnos á Rede dende a Praza Real ou dende nos petase sen necesidade de ir xunto da biblioteca. Propóñovos que liberemos os routers e que entre todos fagamos de Pontedeume unha vila dixital sen fíos. Se vos parece interesante a idea enviademe un correo e falamos do tema.
Saúdos
| Comentarios |
|
