No seu momento, algúns valoramos positivamente a aparición dun movemento crítico como o que foi, nos inicios, o COE. Parecía que por fin a sangue andaba a correr pola veas dalgúns eumeses. A medida que fumos lendo os boletíns dímonos conta de que había algo máis detrás: o rencor que traslucía na redacción dos panfletos non era froito tan só dunha análise crítica da vida política ou social, non, había algo máis que nunca cheguei a coñecer.
Logo gañaron as eleccións, e digo gañaron porque foi o que pasou. Cando nunhas eleccións un partido novo, xurdindo da nada, obtén o 23% dos concelleiros trátase dunha victoria. Foi a victoria do cansancio, do "basta ya" ás políticas continuistas, o rechazo a toda a a estructura política da vila.
Agora o COE languidece, os seus concelleiros votan sen unidade de grupo, o seu ex-lider nin aparece polos plenos, xa non hai boletíns, nin apoian ao goberno nin o deixan de apoiar. Hasta a páxina web http://www.coepontedeume.org desapareceu hai unhas semanas. Qué está a pasar?, Vai desaparecer o COE?, e os seus concelleiros pasaránse a algún partido?, quererános algún partido?.
A pena de todo isto é que o perdedor vai ser, de feito o é xa, unha vez máis, Pontedeume. A actual etapa de ingobernabilidade ven causada, en boa parte, pola falta de trasfondo ideolóxico do COE, que lle impide aliñarse nunha ou noutra dirección con lealtade e amplitude de miras. Velahí a ruptura do pacto de goberno.
| Comentarios |
|
