Non pretendo nesta parte de Pontedeume na Rede facer unha "Guía Turística de Pontedeume". Tan so quero dar a coñecer a todo o que acceda a esta web o que pode atopar na nosa vila. Trátase, por suposto, dunha selección desde a subxetividade. Os lugares que recomendo, sexan tabernas, paraxes naturáis ou recunchos da vila, aparecen porque son os que eu percorro todos os días, ou porque penso que son representativos da esencia eumesa.
Tampouco trato de facer unha listaxe exhaustiva dos recursos turísticos eumeses. Penso que esa tarefa correspóndelle ao Concello (cando teña web), pero espero que Pontedeume na Rede acabe sendo unha pequena referencia para o que queira vir á nosa vila a facer algo de turismo, ou simplemente a pasar unha tarde e tomar uns viños e unhas tapas.
